Ia mila enpresa gehiago zeuden Euskadin irailean, baina iazko aldi berdinean baino gutxiago, laugarren hilabetez jarraian

11-10-2022
Euskadiko enpresa kopurua 962rekin hazi zen irailean, eta 57.613 dira guztira. Horrek irailerako ohikoa denarekin bat egiten duela esan daitekeen arren, iazko hilabete berdinean baino hazkunde txikixeagoa adierazten du (-%0,6). Izan ere, enpresen kopuruak urtearteko jaitsiera duen laugarren hilabetea da, hamabost hilabeteko hazkundearen ondoren. Eta 2020ko otsailarekin alderatuta (pandemiaren hasiera), oraindik 1.280 enpresa gutxiago daude erregistratuta (-%2,2), eta %39 berreskuratu dira. Sektoreka, irailean enpresa kopurua jarduera sektore guztietan hazi zen, industrian izan ezik, 5 gutxiago zenbatu baitziren. Industria da, hain zuzen ere, pandemia aurreko agertokiarekin alderatuta (2020ko otsaila) gehien jaitsi dena, irailean orduan baino 236 gutxiago zenbatu baitira (-%3,6); ondoren Zerbitzuen sektorea dago (-%2,8 eta 1.281 enpresa gutxiago), eta Eraikuntzan, berriz, 2020ko otsaileko enpresa kopuru bera erregistratu da.

Confebask eta bere elkartekideak – Adegi, Cebek eta Sea – Ihoberekin elkarlanean ari dira, enpresei ikastaroak emanez, ekonomia zirkularrarekin lehiakortasuna hobetu dezaten

22-09-2022
sinatu zuten, eta Confebaskek eta bere elkarte kideek – Adegi, Cebek eta Sea –, Eusko Jaurlaritzarekin batera, programaren ondoriozko lehen ekimen bateratua abiarazi dute. Euskal enpresetan lanean diharduten profesionalentzako doako ikastaro batzuk dira, beren erakundeen lehiakortasuna nola hobetu ikasteko, ‘ekonomia zirkularra’ delakoak eskaintzen dituen aukera guztiak aprobetxatzeko eta epe ertain eta luzerako joerak ezagutzeko.

“Prebentzioa lan egiteko modu bat da; segurtasunik gabe egindako lana gaizki egindako lana da”

15-09-2022
Segurmaniako azken zenbakian, Bahia de Bizkaia Gas, SLko Estibaliz Añoni egindako elkarrizketa bat jasotzen da. Bertan, prebentzioaz eta segurtasunaz hitz egiten du, baita nola eboluzionatu duen, Euskadin nola egiten den eta zer erronkari aurre egin behar dien ere. Bere iritziz, “lehen, laneko arriskuen prebentzioaren (LAP) arduradunak polizia txakur bat bezalakoak ginen, NBEak eramateko betebeharra ikuskatzen eta are egiaztatzen ibiltzen ginen. Orain, prebentzioaren kontzientziak aurrera egin ahala, prebentzioa gai partekatua izatera igaro da, non erakundeko kide guztiek beren zeregina ezagutzen duten eta, inkontzienteki, segurtasuna integratuta dagoen. Prebentzioa lan egiteko modu bat baino ez da. Gogoratu, segurtasunik gabe egindako lana gaizki egindako lana da”. Enpresetan laneko arriskuen prebentzioa komunikatzeak eta hedatzeak duen garrantziari dagokionez, Estibaliz Añonek esan duenez, “prebentzioa integratzeko punturik garrantzitsuena goi zuzendaritzaren lidergoa edo inplikazioa da.

“Euskadin, aurten, 11 errenta itun sinatu ditugu sindikatuekin, eta beste 18 hitzarmenetarako negoziazio mahaietan gaude”

12-09-2022
Radio Euskadin (EiTB) egindako elkarrizketa batean, Eduardo Aretxaga Confebaskeko zuzendari nagusiak gezurtatu egin du Euskadin enpresak negoziazio kolektiboa blokeatzen ari direla soldatak igotzeari uko egiten diotelako. Aretxagak gogorarazi duenez, Euskadin, 2022an bertan, “gure erakunde kideek –Adegi, Cebek eta SEA– 11 errenta itun sinatu dituzte dagoeneko 2022an, eta, negoziatutako hitzarmenen ondorioz, soldatak %5 inguru ari dira igotzen batez beste, estatuan baino bi aldiz gehiago. Gainera, 18 hitzarmenetan ari gara negoziatzen. Beraz, argi dago guk errenten itunaren alde egiten dugula”. Confebaskek –jarraitzen du zuzendari nagusiak– "beti akordioaren alde egiten du, eta ez du inoiz esan ez dituela soldatak igo nahi. Beste gauza bat da, enpresaren bideragarritasuna arriskuan jartzen duten neurriz kanpoko eskaerak badaude, ezinezkoa dela akordioak lortzea”.

“Akordiorako unea da, ez etengabeko konfrontaziorako”

20-07-2022
Confebask Euskal Enpresarien Konfederazioak ohikoa duen udako Kontseilu Nagusia egin du, eta, bertan, baieztatu da Isabel Bustok orain arte presidentea izan den Eduardo Zubiaurreren lekua hartu duela, Adegik izendatutako Confebaskeko presidenteordea baita. Isabel Bustok, Kontseilu Nagusian eman duen hitzaldian, hitz batzuk eskaini dizkio orain arte Confebaskeko presidente izan den Eduardo Zubiaurreri, hau esanez: “Nik pertsonalki diodan maitasuna helarazi nahi diot orain arte Confebaskeko presidente izan den Eduardo Zubiaurreri, eta gure hurbiltasuna eta esker ona erakutsi ere bere dedikazioagatik, Confebasken buru gisa egindako ahaleginagatik eta bere balio profesional eta pertsonalengatik, horiek denek egiten dute-eta bera doan leku guztietan maitatua eta errespetatua izatea. Gainerakoan, Isabel Bustok gogorarazi du “Ukrainako inbasioaren ondoren, krisi geopolitikoak, energetikoak eta berebiziko inflazio batek, muturreko ziurgabetasun giroan murgiltzen gaituztela”. Euskadin, gure enpresa erakundeek – Adegi, Cebek y Sea – beren enpresa bazkideei egiten dizkieten inkestek adierazten dute enpresak oraindik eusten ari direla, baina marjinetan eta errentagarritasunean ere gertatzen ari diren murrizketa azkarrek enpresen epe labur eta ertaineko bideragarritasuna arriskuan jartzen dute".