LH Dualerako Aliantzak inaugurazio hitzaldian hizlari moduan parte hartzeko gonbidatuta, Confebaskeko lehendakari Roberto Larrañagak gogorarazi du euskal enpresak Euskadin ematen den Lanbide Heziketa dualaren ereduarekin ‘konpromisoa erabatekoa’ daukala, ‘euskal enpresen eskaera zehatzari erantzuten diolako’. Confebaskeko lehendakariak gogorarazi duenez, LH Dualaren euskal eredua kalitatezko sistema bat da, eta ’10 aldiz biderkatu du ikasle zein enpresa parte hartzaileen kopurua, orain dela 5 urte martxan jarri zenetik’; horrek erakusten du bere harrera maila altua: konpainien %99ren iritziz, ikaslea produktiboa eta eraginkorra izan da, eta uste dute Euskadin indarrean dagoen eredua ‘oso ona’ dela.

“Produktu eta zerbitzu hobeak ekonomia zirkular berri baterako” lemapean, Basque Ecodesign Meeting-BEM2017 topaketa joan den irailaren 19an eta 20an gauzatu zen, Bilboko Euskalduna Jauregian, eta Europan ekodiseinuari buruz egindako ekitaldi nagusietakoa izan da. Basque Ecodesign Centerrek antolatuta, lankidetza publiko-pribatuko egitasmoa da, eta bere kideak dira CIE Automotive, EDP Naturgas Energía, Euskaltel, Eroski, Gamesa, Iberdrola, Ormazabal Velatia, Orona eta Vicinay Sestao euskal enpresak, Eusko Jaurlaritzako Ihobe eta SPRI sozietate publikoak eta Euskadiko kluster nagusiak; oraingoan, Confebask-eko Ingurumen Arloko zuzendari Jon Bilbaok ere parte hartu du.

Confebaskek eta bere elkarte kide ADEGI, CEBEK eta SEAk plan bat jarri dute abian legebiltzarkideek euskal enpresak bisitatzeko, “legebiltzarraren eta enpresaren” arteko elkar ezagutza hobetzeko eta Euskal Ganberara zuzenean hurbiltzeko euskal enpresen funtzionamenduaren errealitatea, haiek egiten duten jarduera eta bizi duten egoera zehatza. Euskal legebiltzarkideek Aernnovaren eta Egile Taldearen instalazioetara egin duten bisitarekin inauguratu da programa.

Eusko Jaurlaritzako Unibertsitate eta Ikerketako sailburuorde Adolfo Morais eta Gasteizko exekutiboaren Unibertsitate Politika eta Koordinazioko zuzendari Miren Artaraz ardutatu dira 2017-2022 aldirako 'Unibertsitate-Enpresa Estrategia' aurkezteaz Confebaskeko Industria eta Prestakuntzako lantaldea osatzen duten enpresen aurrean. 'Unibertsitatea-Enpresa Euskal Estrategia' honen bi helburu nagusiak dira, batetik, euskal enpresek eskatzen duten kualifikazioaren profila izango duten pertsonak prestatzea (esaterako, 4.0 industriaren erronkei erantzuteko, etab.), eta, bestetik, Euskal Unibertsitate Sistemaren eta enpresaren arloaren arteko transferentzia zientifikoa sortzea eta areagotzea.

Confebaskek atxikipen ofiziala sinatu du gaur goizean Europako Aprendizen Aliantzarekin, (EUROPEAN ALLIANCE FOR APPRENTICESHIPS-EAfA- ingelesezko bere izena), garrantzi berezia ematen dio formazio dualaren sustapena eta herrialde ezberdinetan praktikak egitea errazteko ikasleen nazioarteko mugikortasunari. Confebasken atxikipen ofiziala gaur goizean formalizatu da bere zuzendari orokor Eduardo Aretxagaren sinadurarekin, Donostian Eusko Jaurlaritzak eta EAfAk berak antolatutako Lanbide Heziketako Nazioarteko Jardunaldi batzuetan bere parte hartzea aprobetxatuz.