Noticias

Confebaskek EAEko enpresen Enplegu Beharrei eta Kualifikazioari buruzko VI. Inkesta egin du, Adegi, Cebek eta Sea erakundeekin lankidetzan. Enpresen %25ek Euskaditik kanpoko kontrataziora jo dute dagoeneko, horietatik erdiek beste autonomia erkidego batzuetako pertsonak kontratatzeko. Eraikuntzak erabili du gehien formula hori. Etorkizunari begira, hiru euskal enpresatik batek kanpoan kontratatzeko asmoa du. EAEko 4 enpresatik 3k 2026an kontratatzea aurreikusten du, gehienek jarduera maila handitu delako. %85 mugagabeak izango dira eta gehienbat lanaldi osokoak. Adinak gero eta garrantzi gutxiago du kontratatzeko orduan. Eskatutako lanpostuen %40 unibertsitatekoak izango dira, eta %49 Lanbide Heziketakoak. Gainerako %10a Bigarren Hezkuntzatik haragoko prestakuntzarik ez duten pertsonei dagokie, azken urteetako ehunekorik txikiena . Hautagaiaren jarrerak eta interesak gero eta gehiago balio dute enpresentzat

Euskadiko LHko aurrematrikula epearekin bat eginez, Confebaskek gazteen eta euskal enpresen artean LHa sustatzeko bi ekimen jarri ditu abian. Berritzaileena gaurtik maiatzaren 22ra arte jarraitu ahal izango da sare sozialen bidez, zehazki, Tik Tok eta Instagram bidez. Publiko gazteenari zuzenduta, “La FP de Euskadi nos renta / Lanbide Heziketa, denok irabazle” leloa du. Eta gazteak kontzientziatu nahi ditu Euskadin lanbide heziketa hautatzeak gizarte osoarentzat dakartzan onura handiei buruz. Sare sozialetako dibulgazioarekin batera, aurten ere, Confebaskek “Kaixo enpresa, Euskadiko LHa naiz” kanpainaren irrati iragarkien zabalkundea errepikatu du EiTBn, horren bidez, euskal enpresak anima daitezen estatuan eta Europan erreferente den prestakuntza eredu hori ezagutzera.

Tamara Yague Confebaskeko presidenteak, Elkarrizketa Sozialerako Mahaiaren (ESM) azken bileraren ondoren, “mahai honetan bere garaian absentismoari buruz sortutako lantaldea laster berraktibatu ahal izatearen garrantzia” gogorarazi du. “Sortu genuenean, denok ulertzen genuen euskal enpresetan ‘gaixotasun arruntak eragindako aldi baterako ezintasuna’ aztertzea merezi duen gaia dela, gizarte osoari eragiten diolako: langileen osasunari, gure enpresen lehiakortasunari eta kontu publikoei. Hortik dator lantalde espezifiko hori berriro biltzeko deia”.

Confebasken azken txostenean zehazten denez, Gizarte Segurantzan inskribatutako EAEko enpresen kopurua 57.324 izan zen otsailean. Urtarrilean baino 109 gehiago dira, hilabete horretan igo ohi denaren ildotik, eta iazko otsailean baino 76 gehiago (+%0,1), enpresa kopuruak urte arteko igoera duen bigarren hilabetea jarraian izanik. Hori bai, 2020ko otsailarekin alderatuta (pandemia hasi zenean), oraindik 1.569 enpresa gutxiago daude orduan baino (-%2,7), pandemian galdutako enpresetatik %26 baino ez baitira berreskuratu.

Confebaskek adierazten du: gai hori hainbat aldiz eztabaidatu da dagoeneko bi aldeetan eta LHKren barruan; EAEko Justizia Auzitegi Nagusiak aztertu du gaia dagoeneko, eta ondorioztatu du ez negoziatzeko arrazoia legea dela (edo, beste modu batera esanda, hori egitea legez kanpokoa litzatekeela); eta, gainera, ELAk eta LABek Auzitegi Gorenean aurkeztutako kasazio helegitea ebazteko zain dago, eta egoera horrek eskatzen du negoziaziorik ez egotea, izan ere, orain arte gaiari buruz eman den erabaki judizial bakarrak dekretatu du ezin dela negoziazio horren mende egon. Ondorioz, berriro ere, lortu nahi den negoziazio esparrua irekitzeko egindako eskaera baztertzen dugu.