Confebaskek, Adegik, HETELek eta Politeknika Txorierrik osatutako aliantzak Basque Global Industry programako 70 bekaren beste deialdi bat ireki du gaur; iaz arte Global Training izenarekin egiten zen nazioarteko mugikortasun ekimena da. Programa unibertsitate eta Goi Mailako Lanbide Heziketako tituludun gazteei zuzenduta dago, prestakuntza atzerriko enpresa eta erakundeetan esperientzia profesional baten bidez osatu nahi badute, horrela nazioarteko konpetentziak indartu eta enplegagarritasuna hobetzeko.

Bere hitzaldian, eta puntu nagusi gisa, euskal enpresaren lehiakortasunaren aldeko apustu kolektiboan jarri du arreta. Ildo horretan, gogorarazi du Adegik duela gutxi mahai gainean jarri duela egungo ongizatea epe ertain eta luzera ziurtatuta ez dagoelako “kontzientziatzeko” beharra, eta herrialde itun bat proposatu duela, aukera emango diguna gure lehiakortasuna sakon eraldatu eta etorkizunean bermatzeko . Tamara Yaguek nabarmendu duenez, “iraultza teknologikoa, adimen artifiziala, trantsizio energetikoa, erronka demografikoa, lehia geopolitikoa, hornidura kateen berrantolaketa eta talentua erakartzeko lehia sakon eraldatzen ari dira Euskadiko, Europako eta munduko ekonomia”.

“Confebasketik Jarduera Ekonomiko Jasangarria Sinplifikatu eta Arintzeko Premiazko Neurrien Lege Proiektuaren balioa nabarmendu nahi dugu, gure iritziz, Euskadiren etorkizun industrialerako gero eta beharrezkoagoa eta estrategikoagoa den ekimen bat delako”. Horrela hasi du bere hitzaldia Tamara Yague Confebaskeko presidenteak Euskadiko Industria Kontseiluan egindako aurkezpenean, Mikel Jauregi Industria sailburuaren aurrean. Confebaskeko presidenteak gogorarazi duenez, “euskal enpresek behin eta berriz eskatu dute administrazio lanak sinplifikatzeko eta zama burokratikoa murrizteko, eta hala proposatu genuen Euskadi 2030 - Industria Planean jasota gera zedin”.

Confebaskek EAEko enpresen Enplegu Beharrei eta Kualifikazioari buruzko VI. Inkesta egin du, Adegi, Cebek eta Sea erakundeekin lankidetzan. Enpresen %25ek Euskaditik kanpoko kontrataziora jo dute dagoeneko, horietatik erdiek beste autonomia erkidego batzuetako pertsonak kontratatzeko. Eraikuntzak erabili du gehien formula hori. Etorkizunari begira, hiru euskal enpresatik batek kanpoan kontratatzeko asmoa du. EAEko 4 enpresatik 3k 2026an kontratatzea aurreikusten du, gehienek jarduera maila handitu delako. %85 mugagabeak izango dira eta gehienbat lanaldi osokoak. Adinak gero eta garrantzi gutxiago du kontratatzeko orduan. Eskatutako lanpostuen %40 unibertsitatekoak izango dira, eta %49 Lanbide Heziketakoak. Gainerako %10a Bigarren Hezkuntzatik haragoko prestakuntzarik ez duten pertsonei dagokie, azken urteetako ehunekorik txikiena . Hautagaiaren jarrerak eta interesak gero eta gehiago balio dute enpresentzat

Euskadiko LHko aurrematrikula epearekin bat eginez, Confebaskek gazteen eta euskal enpresen artean LHa sustatzeko bi ekimen jarri ditu abian. Berritzaileena gaurtik maiatzaren 22ra arte jarraitu ahal izango da sare sozialen bidez, zehazki, Tik Tok eta Instagram bidez. Publiko gazteenari zuzenduta, “La FP de Euskadi nos renta / Lanbide Heziketa, denok irabazle” leloa du. Eta gazteak kontzientziatu nahi ditu Euskadin lanbide heziketa hautatzeak gizarte osoarentzat dakartzan onura handiei buruz. Sare sozialetako dibulgazioarekin batera, aurten ere, Confebaskek “Kaixo enpresa, Euskadiko LHa naiz” kanpainaren irrati iragarkien zabalkundea errepikatu du EiTBn, horren bidez, euskal enpresak anima daitezen estatuan eta Europan erreferente den prestakuntza eredu hori ezagutzera.