AURKEZPENA
Nahasmendu muskuloeskeletikoak (NME) lan osasuneko arazorik hedatuenetakoa bihurtu dira mundu osoan, eta adin guztietan eragiten dute. Nazioarteko erakundeen datuen arabera, Europako bost langiletik hiruk NMEei lotutako sintomak dituzte, eta Osalanen arabera (Laneko Segurtasun eta Osasunerako Euskal Erakundea), Euskadin, gehiegizko esfortzu fisikoak dira lan istripuen %30 ingururen erantzuleak. Errealitate horri lan mundua eraldatzen ari diren aldaketa sakonak gehitu behar zaizkio –digitalizazioa, trantsizio ekologikoa eta eredu sozioekonomiko berriak–, enpresan osasuna nola kudeatzen dugun birpentsatzera behartzen dutenak.
Testuinguru horretan, langileen osasun muskuloeskeletikoa zaintzea funtsezko palanka bihurtzen da erakundearen ongizatea eta enpresaren efizientzia eta jasangarritasuna hobetzeko.
Erronka horietaz jabetuta, Confebaskek eta bere erakunde kideek (Adegi, Cebek eta Sea) “Ergonomia 360º-ko enpresan”, abiarazi dute, euskal enpresa txiki eta ertainei laguntzeko ekimena, arrisku muskuloeskeletikoen prebentzioa eguneroko kudeaketan integratzeko eta pertsonen aniztasunera egokitzen diren lan inguruneak eratzen laguntzeko. Horrekin, prebentzio kultura ergonomiko bat sustatu nahi da, pertsonak erakundearen erdigunean jarriko dituena eta, aldi berean, enpresaren jasangarritasunean lagunduko duena.
HONI BURUZ
Proiektuaren arretagunea lan inguruneko baldintza ergonomikoen hobekuntza da, bai prebentzio kultura sustatuz, lanpostuak langileen biomekanikara egokitzeko, bai enpresetako arduradunen gaitasunak edo ezagutza indartuz, arrisku ergonomikoen prebentzioaren kudeaketari dagokionez. Horretarako, ekimena bi jarduera ildotan bermatzen da:
- Enpresei ergonomikoki osasungarriak diren inguruneak sortzen laguntzea, prebentzioaren kudeaketa integratuz: informazioa eta tresna praktikoak emango dira arrisku muskuloeskeletikoak identifikatu eta arindu ditzaten, lanpostuak plantillen aniztasunera egokitzeko.
- Eraldaketa kulturala sustatzea, ergonomiaren eta ongizate muskuloeskeletikoaren ikuspegi integralerantz: erakundeei enpresa eredu osasungarrietarako trantsizioan lagunduko zaie, prebentzio kultura arduratsua sustatzeko, non ergonomia eguneroko kudeaketaren parte izango den eta langileek beren osasunaren zaintzan aktiboki parte hartuko duten. Kultura ergonomikoa partekatu ezean, ez da prebentzioaren integrazio errealik eta ohitura osasungarrien sustapenik izango.
KUDEAKETA ERGONOMIKOAREN EREDUAREN ALDERDI NAGUSIAK
“Ergonomia 360º-ko enpresan” ekimenak proposatzen duen kudeaketa ergonomikoaren eredua zutabe hauetan oinarritzen da:
HELBURU ZEHATZAK
Aurreikusitako jarduketek xedea hauek dituzte:
- Osasun muskuloeskeletikoaren balioaz eta kultura ergonomiko inklusibo baten onurez sentsibilizatzea.
- Langileen artean lan ohitura osasungarriak eta jarrera zuzenak sustatzea.
- Enpresei lan ingurune osasungarriak sortuko dituen kudeaketa ergonomiko proaktiboa ezartzen laguntzea.
- Enpresen arteko elkarrizketa eta lankidetza bultzatzea, ezagutza aditua eta partekatua sortzeko.
- Osasun muskuloeskeletikoa eta lan ongizatea sustatzea euskal ETEetan
JARDUEREN ANTOLATZAILEAK
Adegi, Cebek eta Sea erakundeak dira ekimen honetan kokatutako jarduerak garatzeko eta hedatzeko arduradunak. Erakunde bakoitzak aurreikusitako ekimenetara sar zaitezke horien webguneen bidez.
