- Confebasken newsletterra Gizarte Segurantzan izena emandako enpresa kopuruaren bilakaerari buruz (Hemen ikusi)
2025-04-14
Confebasken azken txostenean nabarmentzen denez, Gizarte Segurantzan inskribatutako euskal enpresen kopurua 57.329 izan zen martxoan. Hau da, aurreko hilean baino 81 gehiago, baina iazko martxoan erregistratutakoak baino ia %1 gutxiago.
Konkurtsoan dauden enpresen kopuruari dagokionez, azken datuek (2024ko itxiera) adierazten dute, oro har, iaz 289 enpresari eragin ziela, hau da, 2023an baino %29 gehiago.
Martxoan Euskadin erregistratutako konpainien kopuruaren bilakaerara itzuliz, sektoreka eta urte arteko terminoetan, Industriakoak eta Zerbitzuetakoak jaitsi egin dira, eta Eraikuntzakoak, berriz, igo.
Fokua zabaltzen badugu, beheranzko joera hori bat dator pandemiaren hasierarekin (2020ko otsaila): hemen ere, jaitsierarik handienak Industrian gertatu dira (-%6,5 eta 430 enpresa gutxiago); ondoren, Zerbitzuetan (-%2,4 eta 1.114 enpresa gutxiago), eta Eraikuntzan orduan baino 82 enpresa gehiago daude erregistratuta.
Azkenik, autonomoen kopuruari erreparatuta, Euskadin 378 pertsona gehiago zeuden martxoan, hilabete horretan ohikoa baino zifra handiagoa, Euskadin guztira 166.498 autonomo izanik.
Hala ere, urteko konparazioan, autonomoen kopuruak ere behera egin du, -%0,2, hau da, 2024ko martxoan baino 351 autonomo gutxiago. 2020ko otsailarekin alderatuta, 3.746 autonomo gutxiago daude, hots, termino portzentualetan, -%2,2 gutxiago.
------------------------------
CONFEBASKI BURUZ
1983an lurraldeetako erakunde kideek sortua –Adegi (Gipuzkoa), Cebek (Bizkaia) eta SEA Empresas Alavesas (Araba)– , Confebask Euskadiko sektore arteko Enpresa Erakunde adierazgarriena da, tamaina eta sektore guztietako enpresak dituelako, eta, beraz, instituzio autonomiko, erakunde sindikal, komunikabide eta, oro har, euskal gizartearen aurrean enpresen erreferentziazko solaskidea da.
“Euskal enpresak sortzen duen aberastasuna Euskadiko BPGaren %70 inguru da, lana duten pertsona guztien %70i ematen die enplegua, %85 kontratu mugagabearekin, eta estatuko batez besteko soldatarik altuenak ordaintzen dizkie, Madrilekin batera.
Gainera, ordaintzen diren zergekin, Eusko Jaurlaritzaren gastu sozialaren %94 ordaintzen laguntzen dute urtero, 12.000 milioi euro inguru. Euskal enpresak 7.600 milioirekin laguntzen du langileen pentsioetarako eta langabezia asegururako”.
