Confebasken eta bere erakunde kideen –Adegi, Cebek eta SEA– adierazpen bateratua, LHKn LGS propioa negoziatzeko behin eta berriz egindako deia dela eta

2025-10-22

ELA eta LAB sindikatuek Euskadiko langile guztientzat Lanbide arteko Gutxieneko Soldata propio baten inguruko negoziazioa behartzeko duten asmoari buruz, Confebaskek eta bere erakunde kideek –Adegi, Cebek eta SEA– honako hau adierazten dute:

• Azken deialditik ez da ezer aldatu, eta, beraz, ezinezkoa da Confebaski legez baimenduta ez dagoena negoziatzeko exijitzea: alde sindikalak juridikoki ezinezkoa den xede bat lortu nahi du, izan ere, gai hori Estatuaren eskumen esklusiboa da.

• Baina, gainera, sindikatuen proposamenak euskal enpresen lehiakortasuna eta jasangarritasuna arriskuan jartzea dakar, baldin eta aldi berean euskal enpresa bereziki kezkatzen duten beste gai batzuekin lotzen ez bada, hala nola absentismoa murriztearekin, lan kostuen gaineko presioarekin eta enpresen eta eskualdearen lehiakortasuna indartzeko beharrarekin.

• Horregatik, eta hirugarren aldiz aurten Lan Harremanen Kontseiluaren aurrean, Confebaskek eta bere erakunde kideek –Adegi, Cebek eta SEA– gogorarazi dute gai horiek dagoeneko existitzen den hiruko foro batean elkarrekin lantzeko prest daudela, hau da, Elkarrizketa Sozialaren Mahaian (ESM), non ordezkaritza handiena duten enpresa erakundeak, sindikatuak eta Eusko Jaurlaritza bera jada presente gauden.

• Sindikatuek eztabaida behartzeko duten asmoak, haiek bakarrik zehazten dituzten foroan eta gaiekin, malgutasunerako marjinarik gabe, agerian uzten du nork hitz egin nahi duen eta nork nahi duen bere irizpidea eta agenda bakarrik inposatu, esan bezala, gure eskura ez dagoen gai batean, zeina, era berean, nahi duten baino askoz ere transbertsalagoa den eta ondorio sakonagoak dituen.

• Horrez gain, gogoratu behar da:

• LGS %67 igo da 2018tik, eta 6.700 € gordin inguru urtean;
• kotizazio sozialak %23 igo dira 2022tik;
• gainera, euskal enpresok azken urteotan ahalegina egin dugu soldatak Estatukoen eta KPIaren gainetik igotzeko
• eta soldatarik altuenak izaten jarraitzen dugu lanaldirik murritzenekin.

• Hori guztia kontuan hartuta 2025 honetan gure enpresen jarduera ezohiko moduan baldintzatzen ari diren faktoreak ditugula, nazioartean ziurgabetasun ekonomiko handia dagoelako, Europako eta EAEko ekonomia AEBrekiko eta Txinarekiko hazkunde eta lehiakortasun krisia jasaten ari direlako, eta Europan eta Euskadin automobilaren sektorearen bilakaera industrian perspektiba kezkagarriak eragiten ari delako.

• Ondorioz, sindikatuek planteatzen dituzten baldintzetan negoziazioari uko egitea ez da elkarrizketari uko egitea. Deskribatutako testuinguruan, beharrezkoa da aurrez aurre ditugun erronkak enpresen jasangarritasunarekin konprometituta daudenekin partekatzea, hiruko elkarrizketa batean. Baina betiere agenda eta irtenbideak pluralak direlako premisapean, zeina deitzaileek sistematikoki ukatzen duten.

------------------------------

CONFEBASKi BURUZ

1983an lurraldeetako erakunde kideek sortua – Adegi (Gipuzkoa), Cebek (Bizkaia) eta SEA Empresas Alavesas (Araba) –, Confebask Euskadiko sektore arteko Enpresa Erakunde adierazgarriena da, tamaina eta sektore guztietako enpresak dituelako, eta, beraz, instituzio autonomiko, erakunde sindikal, komunikabide eta, oro har, euskal gizartearen aurrean enpresen erreferentziazko solaskidea da.

Euskal enpresak sortzen duen aberastasuna Euskadiko BPGaren %70 inguru da, lana duten pertsona guztien %70i ematen die enplegua, %85 kontratu mugagabearekin, eta Estatuko batez besteko soldatarik altuenak ordaintzen dizkie, Madrilekin batera.

 Gainera, ordaintzen diren zergekin, Eusko Jaurlaritzaren gastu sozialaren %94 ordaintzen laguntzen dute urtero, 12.000 milioi euro inguru. Horrez gain, 7.600 milioiko ekarpena egiten dute langileen pentsioetarako eta langabezia asegururako.