- Kanpainak irrati iragarkiak eta, lehen aldiz, gure gazteek gustukoen dituzten sare sozialetarako zatiak ditu. (Ikusi hemen bideoa) ('Kaixo enpresa, Euskadiko LH naiz', hemen ikusi)
Euskadiko LHko aurrematrikula epearekin bat eginez, Confebaskek gazteen eta euskal enpresen artean LHa sustatzeko bi ekimen jarri ditu abian. Berritzaileena gaurtik maiatzaren 22ra arte jarraitu ahal izango da sare sozialen bidez, zehazki, Tik Tok eta Instagram bidez. Publiko gazteenari zuzenduta, “La FP de Euskadi nos renta / Lanbide Heziketa, denok irabazle” leloa du. Eta gazteak kontzientziatu nahi ditu Euskadin lanbide heziketa hautatzeak gizarte osoarentzat dakartzan onura handiei buruz.
Lehenik eta behin, beraientzat, lehen mailako formazioa delako, Lanbide Heziketako profilak gero eta gehiago eskatzen dituzten enpresetan lehen lanpostua lortu ahal izateko.
Bigarrenik, enpresentzat beraientzat, Lanbide Heziketan lehiakortasuna hobetzeko eta etorkizuna ziurtatzeko behar duten harrobia dutelako.
Eta, hirugarrenik, gizarte osoarentzat, gazteen enplegagarritasunarekin eta enpresen lehiakortasunarekin gure ongizate estatua mantentzeko beharrezkoa den ekarpena indartzen delako.
Irrati iragarkiak
Sare sozialetako dibulgazioarekin batera, aurten ere, Confebaskek “Kaixo enpresa, Euskadiko LHa naiz” kanpainaren irrati iragarkien zabalkundea errepikatu du EiTBn, horren bidez, euskal enpresak anima daitezen estatuan eta Europan erreferente den prestakuntza eredu hori ezagutzera.
Iragarkian, “dagoeneko milaka enpresak parte hartzen” dutela gogoratu ondoren, besteak beste nabarmentzen du “neurrira egindako programa malguen bidez talentua nola sartzen den, enpresaren behar zehatzetara egokituta”. Kanpaina Radio Euskadi eta Euskadi Irratiko ‘prime timean’ eskaintzen da, eta goizero entzun ahal izango da datorren maiatzaren 18ra arte.
'KAIXO ENPRESA', kanpaina ikusi hemen
------------------------------
CONFEBASKI BURUZ
1983an lurraldeetako erakunde kideek sortua –Adegi (Gipuzkoa), Cebek (Bizkaia) eta SEA Empresas Alavesas (Araba)–, Confebask Euskadiko sektore arteko Enpresa Erakunde adierazgarriena da, tamaina eta sektore guztietako enpresak dituelako, eta, beraz, instituzio autonomiko, erakunde sindikal, komunikabide eta, oro har, euskal gizartearen aurrean enpresen erreferentziazko solaskidea da.
Euskal enpresak sortzen duen aberastasuna Euskadiko BPGaren %70 inguru da, lana duten pertsona guztien %70i ematen die enplegua, %85 kontratu mugagabearekin, eta estatuko batez besteko soldatarik altuenak ordaintzen dizkie, Madrilekin batera.
Gainera, ordaintzen diren zergekin, Eusko Jaurlaritzaren gastu sozialaren %94aren parekoa ordaintzen laguntzen dute urtero, 12.000 milioi euro inguru. Euskal enpresak 7.600 milioirekin laguntzen du langileen pentsioetarako eta langabezia asegururako.
