Noticias

Confebask-eko lehendakaria, Tamara Yague, gonbidatua izan da gaur goizean Euskal Finantza Aliantzaren eraketa ekitaldira, Imanol Pradales lehendakariak aurkeztu duen ekimenera. Lehendakariak iragarri du bere Gobernuak dagoeneko abiatu dituela izapideak Euskal Finantza Institutua 1.000M€-ko finantza-gaitasun gehigarriaz hornitzeko. “Gure helburua da 1.000M€-ko inbertsio publiko horrek gutxienez beste 3.000 milioi euroko kapital eta aurrezki pribatuak mobilizatzea, egungo legegintzaldian guztira 4.000 milioi euroko finantza-potentziala lortzeko.” Confebask-ek ekimen hau modu positiboan baloratu du, eta azpimarratu du “bide onean” dagoela.

Eragile sozialek Euskadin lanbide arteko gutxieneko soldata (LGS) propio bat negoziatzeko eskatu dutela eta, eta haien proposamenak entzun ondoren, Confebaskek eta bere elkarte kide Adegik, Cebekek eta SEA Enpresas Alavesasek gogoeta hauek helarazi dituzte.

Confebaskeko Prestakuntza, Talentu eta Enplegu sailak 70 gazte elkartu ditu Bilbon, Euskadiko LHko 25 ikastetxe publiko zein itunpekoetakoak, zeinek datozen asteetan euren lehen praktikak egingo baitituzte atzerriko enpresetan, Erasmus + beken eskutik; Europako programa hori EBk, SEPIEren bidez, Eusko Jaurlaritzak eta Bizkaiko Diputazioak finantzatzen dute, eta Confebaskek kudeatzen du orain dela 25 urte baino gehiagotik. Euskal Enpresarien Konfederazioa da proiektuaren liderra, eta ikasleen LHko ikastetxeekin jartzen da harremanetan eta praktikak egiteko enpresetako egonaldiak prestatzen ditu. Aurten, hautatutako konpainiak Irlandan, Italian, Italian, Portugalen, Frantzian eta Maltan daude, eta 13 asteko prestakuntza praktikoa egingo dute martxotik ekainera. Nazioarteko Mugikortasuneko arduradun Arantza Vigiolak aurkeztu dizkiete hautatutako ikasleei programaren ildo nagusiak, baita atzerrian dauden bitartean jarraitu beharreko jarraibideak eta harrera egingo dieten enpresen ezaugarriak ere.

Gaur goizean, Arabako Herdit S.L. enpresa industriala bisitatu du Legebiltzarreko ordezkaritza batek. 1973an sortua, Herdit Arabako Aragizen (Araba) egoitza duen euskal enpresa bat da, 8.500 m2-ko instalazioekin eta 90 langile baino gehiagorekin. Soldadura espezializatuan aditua, Herdit S.L.-k industria sektore ugariarentzat egiten du lana: ingurumena, automobilgintza, aeronautika, kimika, trenbideak, elikagaiak eraikuntza, ekipamendu ondasunak, elektronikoa eta energia berriztagarriak, besteak beste. Euskal legebiltzarkideek lehen eskutik ezagutu dute bere sektorean puntakoa den, eta Euskadin erroak, inbertsioa eta erabakiak hartzeko erdigunea mantentzen dituen euskal enpresa industrial ertain baten esperientzia.

Gizarte Segurantzan inskribatutako euskal enpresen kopurua 57.585era iritsi zen abenduan. Hau da, aurreko hilean baino 311 gutxiago; beraz, 2008tik abendurako kopururik txarrena da. Guztira, 2024ak 326 enpresa gutxiagorekin amaitu zuen (-%0,6), eta 2023an 91 irabazi zituen. Era berean, 2020ko otsailarekin alderatuta (pandemiaren hasiera), 1.308 enpresa gutxiago erregistratu dira oraindik (-%2,2), eta pandemian galdutako enpresen % 38 berreskuratu dira. Jaitsiera sektore guztietan gertatu da. Horiek dira Confebaskek Euskadiko enpresa-sarearen bilakaerari buruz egindako azken txostenean kontsulta daitezkeen zifretako batzuk, abenduko zifrekin. Euskadiko urte arteko jaitsiera % -0 "6koa izan da, eta Estatu osoko batez besteko igoera, berriz, % +0" 5ekoa.