“Martxan dauden trantsizioei dagokienez, gure industria irteerako kokapen on batetik abiatzen da, baina tamaina, pertsonak, finantzaketa eta fiskalitate hobea eta antzeko erronketan aurrera egin behar dugu”

14-03-2024
El Diario Vascok jardunaldi bat antolatu du euskal industriak martxan dagoen trantsizio ekologikoan eta ingurumenekoan dituen aukerak aztertzeko. Confebaskeko Ekonomiako arduradun Pablo Martin izan da gonbidatuetako bat. Eta, testuinguru horretan adierazi denez, “trantsizio hori aukera handia da gure industriarentzat, irteerako kokapen on batekin abiatzen baita. Balio kate guztietan lider energetikoak ditugu, enpresa txiki eta ertain hornitzaileen ekosistema on bat, ekoizpen sare berritzaile bat, nazioartekotua, eta industria politika finkatua”. “Hala ere – azpimarratu du Pablo Martinek –, hainbat alderditan aurrera egin behar dugu, horien artean egonik eraldaketa handi horiei aurre egiteko enpresen tamaina egokia; talentua sortzeko, erakartzeko eta atxikitzeko erronka; eta gure enpresak finantzatzeko hobekuntzak, baita beharrezko inbertsioak erraztu eta sustatuko dituen fiskalitate bat ere”.

Euskadiko enpresa kopurua egonkor mantendu da urteko lehen bi hilabeteetan

14-03-2024
Gizarte Segurantzan inskribatutako enpresen kopuruak ia ez du aldaketarik izan urte hasi zenetik. Otsailean, kopurua hori 57.599 zen. Urtarrilean baino 154 gehiago dira, baina, hala ere, duela urtebete baino pixka bat gutxiago: 2023ko otsailarekin alderatuta, 35 enpresa gutxiago daude (-%0,1). Sektoreka, Industriak enpresak galtzen jarraitzen du. Kopurua gaur egun duela urtebete baino txikiagoa da, ia 90 gutxiago (89). Eraikuntza eta zerbitzuetakoak, berriz, igo egin dira. Pandemiaren aurretik zeudenekin alderatuta alderatuta (2020ko otsaila), Industrian gertatu dira jaitsierarik handienak (-%5 eta 332 enpresa gutxiago), eta ondoren Zerbitzuak daude (-%2,1 eta 957 enpresa gutxiago). Eraikuntzan, berriz, 93 enpresa gehiago erregistratu dira 2020ko otsailean baino (+%1,8).

2024ak euskal enpresen kopurua egonkortuta ekin dio urteari, eta 2023ak konkurtsoan zeudenen jaitsierarekin itxi du

20-02-2024
Confebasken azken newsletterrean irakur daitekeenez, Gizarte Segurantzan inskribatutako euskal enpresen kopurua 57.455 izan da urtarrilean, abenduan baino 466 gutxiago, baina hil honetarako ohikoa den ildotik. Nolanahi ere, fokua zabalduz, eta duela urtebeteko urtarrilean zeudenekin alderatuta, murrizketa erregistratuta zeuden 12 enpresakoa baino ez da izan, -%0,02 gutxiago. Hori bai, 2020ko otsailarekin alderatuta (pandemiaren hasiera), oraindik ia 1.500 enpresa gutxiago daude (1.448, -%2,5), eta pandemian galdutako enpresen heren bat (%31) berreskuratu da. Sektoreka, eta urte arteko konparazioan, industria izan da kaltetuena, azken hamabi hilabeteetan enpresa kopuruari dagokionez jaitsiera izan duen jarduera sektore bakarra izanik.

Confebaskeko lehendakaria, Kazetarien Euskal Elkargoak emakume kazetariekin antolatutako topaketan

01-02-2024
Confebaskeko lehendakari Tamara Yague Euskal Kazetarien Elkargoak antolatutako topaketa batera gonbidatu dute. Amaia Goikoetxea Elkargoko lehendakariak eta Amaia Fano dekanoordeak hogei bat emakume kazetari elkartu zituzten, iritziak trukatu eta solasean aritu ziren Confebaskeko lehendakariarekin. Parte hartu zuten profesionalen artean, komunikabide hauetan lanean diharduten kazetariak izan ziren: El Correo, DEIA Grupo Noticias, Berria, RTVE, EiTB, Europa Press eta EFE, Onda Cero, VK komunikazio agentzia, eta komunikazioaren eta enpresaren hainbat sektoretako beste profesional batzuk.

Confebask, Enpleguaren aldeko Itun Sozialaren sinaduran

31-01-2024
Confebaskeko presidente Tamara Yaguek gaur goizean sinatu du, Idoia Mendia lehendakariordeak zuzentzen duen Lan eta Enplegu Sailak sustatutako Enpleguaren aldeko Itun Sozialari atxikitzeko. Itun horren bidez, erronka berrietara egokitutako baldintzak sortu nahi dira, politika ekonomiko, sozial eta enplegukoak definitzeko, eta horiek idazteko, Confebasken parte hartze aktiboa izan du, Elkarrizketa Sozialerako Mahaiaren (ESM) bidez. Garai berriak “enplegu eskaintzaren eta enplegu eskaeraren” arteko desoreka sortzen ari direla onartuta, itun hori “herrialdeko erronka handiei erantzun kolektiboa emateko bide gisa planteatzen da, helburu partekatuekin, horiei lotutako konpromisoekin eta horiek garatzeko orientazioekin”.