Confebasken azken Newsletterrean jasotzen denez, EAEn Gizarte Segurantzan erregistratutako enpresa kopurua 58.942ko zifrara iritsi zen otsailean, aurreko urteko hilabete berdinarekin alderatuta %0,4 hazi eta gero: Guztira, duela urtebete bat baino 243 konpainia gehiago. Urtarrilarekin alderatuta ere hazi da enpresa kopurua, 202 enpresa gehiago baitira, eta, ondorioz, 2019ko otsaila azken urteetako onenetakoa da. Edonola ere, datuetatik ondorioztatzen da, berriro ere, industri sektorea dela dinamismorik gutxien duena.

Atzo Correo egunkariak argitaratu zuen erreportaje batean Confebaskeko zuzendari nagusi Eduardo Aretxagak azpimarratu zuenez, berdintasuna “gizarte osoari dagokion erronka bat da, ez soilik enpresari. Enpresa irtenbidearen parte da, baina baita ere dagokio hezkuntzari, familiari, etab.”. Eduardo Aretxagak dio enpresa arloan berdintasuna ez dela genero kontua, eta, aitzitik, “merituetan eta talentuan oinarrituta egon behar da.

Gaur goizean inauguratu da Donostian “Change the Change” Klima Aldaketari buruzko nazioarteko konferentzia, Eusko Jaurlaritzako Ingurumen Sailak antolatuta – ingurumen kudeaketarako Ihobe sozietate publikoaren bitartez–, Confebasken lankidetzarekin. Bilkura Iñigo Urkullu lehendakariak eta Espainiako gobernuko Pedro Sanchez presidenteak inauguratu dute gaur goizean. Klima aldaketaren aurka borrokatzeak eta ingurumenaren hobekuntzak enpresentzat eta, oro har, gizartearentzat dakartzan onura lehiakorrak aprobetxatzeak duen garrantziaz ohartuta, inaugurazioan Confebasken ordezkaritza bat izan da, bere presidente Roberto Larrañaga buru zelarik.

Argitaratu berri den Segurmania azken buletinean, beste eduki batzuen artean, Chapanorreko zuzendari gerenteari egindako elkarrizketa dago. Iñaki Guineak adierazi duenez, laneko arriskuak prebenitzeko politikaren arrakastaren zati handi baten oinarria da “Chapanorren erailtzen ditugun prozesuak, pieza baten fabrikazioa programatzen denetik, segurtasuna etengabe kudeatzeko prozesu batean sartuta daudela… Laneko arriskuak prebenitzeko dugun politikak bitarteko eraginkorragoak erabiltzera behartzen gaitu, segurtasun parametro optimoak lortzeko”.

Elkarrekin eman duten prentsaurrekoan parte hartu dute Eusko Jaurlaritzako LHko sailburuorde Jorge Arevalok, Confebaskeko zuzendari nagusi Eduardo Aretxagak eta bertako Prestakuntza zuzendari Asier Aloriak. Hirurek nabarmendu dute Eusko Jaurlaritzaren, enpresen eta ikastetxeen arteko sintonia eta elkarlana, Euskadin LF duala hartzen ari den indarraren arrazoien artean, izan ere, Europar Batzordeko Prestakuntzako zuzendari Manuela Gelengek egin berri duen bisitan azpimarratu duenez z, erreferentziazko eredua da EBrentzat berarentzat ere.