Enpresa finantzaketari buruzko Confebasken azken newsletterrean irakur daitekeenez, enpresak finantzatzeko kostuak beherantz jarraitzen du estatuan, eta %5etik behera geratu da bai enpresa txiki eta ertainentzat (ETE) bai enpresa handientzat. Bi kasuetan, Europako homonimoek baino gutxiago ordaintzen dute. Horrez gain, Confebasken txostenak nabarmentzen du enpresei emandako kreditu berria +%16,4 hazi dela abuztura arte, ETEei bideratutakoa %21,3 izanik, eta %10,4 enpresa handietara zuzendutako kreditu berriari dagokionez. Hori guztia iraileko testuingurua izanik Euriborra 22 hilabeteko mailarik baxuenean kokatu zela, 10 urterako bonuak 2 urteko mailarik txikiena markatu zuela, eta arrisku prima 81 oinarrizko puntutan dagoela, 2022ko urtarriletik izandako zifrarik baxuenean.

Iraila, oro har, hilabete ona izaten da enpresak sortzeari dagokionez. Eta aurten ere joera horri eutsi zaio. Gizarte Segurantzan guztira inskribatutako enpresak, irailean, 57.555 ziren, hau da, abuztuan baino 716 gehiago. Hala ere, 2016tik irailerako igoerarik txikiena da. Euskadiko enpresa kopuruaren bilakaerari buruzko Confebasken hileko txostenaren datuetako bat da, eta, horrez gain, duela urtebete zeudenekin alderatuta, oraindik 440 enpresa gutxiago daudela (-%0,8) ere esaten da. Bestetik, 2024ko lehen seihilekoan 159ra igo zen konkurtsoan dauden euskal enpresen kopurua, duela urtebete baino %38,3 gehiago. Sektoreka, igoerarik handiena Eraikuntzan egon da (+%62,5 eta 26 enpresa konkurtsopean), ondoren Zerbitzuetan (+%32,4 eta 98 enpresa konkurtsopean) eta Industrian (+%32 eta 33 enpresa konkurtsopean).

Gaur goizean El Correo egunkariak antolatutako Enpresa Foroan Tamara Yague Confebaskeko presidenteak zabaldu duen mezuetako bat da. 2008ko finantza krisiaz geroztik, euskal ekonomiaren hazkundea euroguneko eta bere bi ekonomia nagusietako (Alemania eta Frantzia) batezbestekoaren nabarmen azpitik egon da. Estatuari dagokionez, 2008tik, gure hazkundea erkidego oparoenek (Madril, Katalunia eta Nafarroa) lortutakoaren atzetik ere geratu da. Madrilgo kasu zehatzeari dagokionez, erdia baino gutxiago hazi gara. Azken batean, dinamismo ekonomikoaren galera jasaten ari gara, eta hori pixkanaka Europan eta estatuan dugun pisu erlatiboa murrizten ari da”.

Euskadin Gizarte Segurantzan erregistratutako enpresen kopuruak behera egin ohi du abuztuan, eta oraingoan ere hala gertatu da. Hala ere, aurtengo murrizketa 181 enpresakoa izan da, abuztu baterako izandako jaitsierarik txikiena. Gainera, eta duela urtebete (2023ko abuztua) zeudenekin alderatuta, 22 gehiago daude, +%0,04, eta berriz ere urte arteko zifra positiboetara itzuli da. Guztira, Euskadin abuztuan 56.839 enpresa zeuden erregistratuta. Sektoreka, industrian eta eraikuntzan duela urtebete baino enpresa gutxiago daude gaur egun, eta zerbitzuen sektorean, berriz, firmen kopuruak gora egin du. Hori bai, pandemia aurreko zifrarekin alderatuta (2020ko otsaila), oraindik 2.054 enpresa gutxiago zenbatu dira (-%3,5), eta covid-19an galdutako enpresen %3 berreskuratu dira.

Noël d'Anjou Ogasun eta Finantzetako sailburuak lehen bilera egin du Confebaskekin, eta bilera horretan Euskal Enpresarien Konfederakuntzak datozen lau urteetarako aurreikusten dituen erronkak eta jardun-ildoak ezagutu ahal izan ditu, Tamara Yagüe erakundeko presidentearen eta Asís Canales presidenteordearen eta Confebaskeko fiskal batzordearen presidentaren eskutik. Eusko Jaurlaritzako arduradunekin jorratutako gaien artean fiskalitatea egon da. Bi aldeak bat datoz, Batzar Nagusiek onartu ondoren, hartuko diren neurriek lagundu beharko dutela Euskadiren lehiakortasuna indartzen eta hazkunde ekonomikoa sendotzen. Sailburuak adierazi du, gainera, neurri fiskalek euskal erakundeen politika publikoak garatzeko behar besteko finantzaketa bermatu beharko dutela.