Euskal enpresen kopuruak gora egin du otsailean, baina pandemia aurretik baino mila gutxiago daude oraindik

15-03-2022
Confebaskek Euskadiko enpresa kopuruaren bilakaerari buruz egindako azken txostenean zehazten den bezala, otsailean hobera egin da iazko hilabete berdinarekin alderatuta, 418 konpainia gehiago erregistratu baitira EAEn. Horrenbestez, euskal enpresen guztizko kopurua 57.842 da, duela urtebete baino %0,8 gehiago. Hala ere, guztizko hori pandemiaren aurretik, 2020ko otsailean, zegoen zifrara iristetik urrun dago oraindik. Izan ere, Euskadin Gizarte Segurantzan izena emandako enpresen kopurua ordukoa baino 1.051 txikiagoa da oraindik. 2020ko apirileko minimotik, %50 baino ez da berreskuratu.

Confebask burutzen ari da Erasmus+ bekekin atzerriko enpresetan praktikak egingo dituzten LHko 70 gazte ingururen irteera

24-02-2022
Confebaskeko Prestakuntza Sailak hirurogeita hamar gazte elkartu ditu gaur goizean Bilbon, Euskadiko LHko 27 ikastetxe publiko zein itunpekoetakoak, zeinek datozen asteetan euren lehen praktikak egingo baitituzte atzerriko enpresetan, Erasmus + beken eskutik; Europako programa hori EBk, SEPIEren bidez, Eusko Jaurlaritzak eta Bizkaiko Diputazioak finantzatzen dute, eta Confebaskek kudeatzen du orain dela 26 urtetik. Euskal Enpresarien Konfederazioa da proiektuaren liderra, eta ikasleek ikasten duten LHko ikastetxeekin jartzen da harremanetan eta praktikak egiteko enpresetako egonaldiak prestatzen ditu. Aurten, hautatutako konpainiak Irlandan, Italian, Portugalen, Frantzian, Alemanian, Suedian eta Maltan daude, eta 13 asteko prestakuntza praktikoa egingo dute martxotik ekainera.

Urtarrilean izena emanda dauden enpresen kopurua jaitsi egin da, eta pandemiaren aurretik baino ia 1.300 gutxiago daude oraindik

11-02-2022
Bai enpresen kopuruak bai autonomoenak behera egin dute Euskadin urtearen hasierarekin batera. Bi kasuetan, ohikoa da urtarrilean jaitsierak egotea, baina enpresa kopuruaren jaitsiera aurreko urteetan baino handiagoa izan da. Enpresei dagokienez, Confebasken azken txostenean jasotzen denez, Euskadin urtarrilean Gizarte Segurantzan izena emandako konpainien kopurua 549rekin murriztu zen, guztira 57.596 izanik. Orain dela urtebete baino 321 gehiago badira ere, 2020ko otsailarekin alderatuta, pandemia hasi zenean, 1.297 enpresa gutxiago dira (-%2’2). Orain arte, 2020ko apirileko minimotik, galdutako 2.107 enpresen %38 berreskuratu dira.

2021. urte amaieran, 58.145 enpresa daude Euskadin; alegia, duela urtebete baino 623 enpresa gehiago, baina oraindik pandemia aurreko erregistrora iritsi ezinik

13-01-2022
Confebaskeko azken newsletterrean (ikus hemen) zehazten den bezala, 2021eko azken balantzeak adierazten du Gizarte Segurantzan inskribatutako euskal enpresen kopurua 58.145 izatera iritsi zela. Aurreko ekitaldian baino 623 gehiago dira, baina, hala ere, oraindik pandemia aurreko erregistrora iritsi gabe (2020ko otsaila), Euskadin ia 59.000 enpresa baitzeuden inskribatuta garai hartan. Joan den abenduan, orduan baino 748 enpresa gutxiago zeuden erregistratuta Euskadin (-%1,3). 2020ko apirilean ezarritako minimotik, galdutako enpresa guztien %64 lehengoratu dira.

Lehendakariak Confebaskeko Batzorde Exekutiboaren ordezkari batzuei egin die harrera

13-01-2022
Iñigo Urkullu lehendakariak Confebaskeko Batzorde Exekutiboaren ordezkari batzuei egin die harrera gaur goizean Lehendakaritzan. Hauek dira, zehazki, joan diren ordezkariak: Eduardo Zubiaurre presidentea; Eduardo Aretxaga zuzendari nagusia; kide diren erakundeetako lehendakariak (Adegi –Eduardo Junkera–, Cebek –Carolina Perez Toledo– eta Sea Empresas Alavesas –Pascal Gomez–); Confebaskeko lehendakariordeak (Isabel Busto, Asis Canales eta Juan Antonio Sanchez Cordero), bai eta Lurralde Erakundeetako zuzendari eta idazkari nagusiak ere (Jose Miguel Ayerza, Francisco Javier Azpiazu eta Juan Ugarte). Bilera horretan, Confebaskeko ordezkariek Euskadiren egungo ekonomia eta enpresa egoera laburbildu diote lehendakariari, eta hasi berri den urteari begira dituzten igurikapenen berri eman diote.