Gaur goizean El Correo egunkariak antolatutako Enpresa Foroan Tamara Yague Confebaskeko presidenteak zabaldu duen mezuetako bat da. 2008ko finantza krisiaz geroztik, euskal ekonomiaren hazkundea euroguneko eta bere bi ekonomia nagusietako (Alemania eta Frantzia) batezbestekoaren nabarmen azpitik egon da. Estatuari dagokionez, 2008tik, gure hazkundea erkidego oparoenek (Madril, Katalunia eta Nafarroa) lortutakoaren atzetik ere geratu da. Madrilgo kasu zehatzeari dagokionez, erdia baino gutxiago hazi gara. Azken batean, dinamismo ekonomikoaren galera jasaten ari gara, eta hori pixkanaka Europan eta estatuan dugun pisu erlatiboa murrizten ari da”.

Euskadin Gizarte Segurantzan erregistratutako enpresen kopuruak behera egin ohi du abuztuan, eta oraingoan ere hala gertatu da. Hala ere, aurtengo murrizketa 181 enpresakoa izan da, abuztu baterako izandako jaitsierarik txikiena. Gainera, eta duela urtebete (2023ko abuztua) zeudenekin alderatuta, 22 gehiago daude, +%0,04, eta berriz ere urte arteko zifra positiboetara itzuli da. Guztira, Euskadin abuztuan 56.839 enpresa zeuden erregistratuta. Sektoreka, industrian eta eraikuntzan duela urtebete baino enpresa gutxiago daude gaur egun, eta zerbitzuen sektorean, berriz, firmen kopuruak gora egin du. Hori bai, pandemia aurreko zifrarekin alderatuta (2020ko otsaila), oraindik 2.054 enpresa gutxiago zenbatu dira (-%3,5), eta covid-19an galdutako enpresen %3 berreskuratu dira.

Noël d'Anjou Ogasun eta Finantzetako sailburuak lehen bilera egin du Confebaskekin, eta bilera horretan Euskal Enpresarien Konfederakuntzak datozen lau urteetarako aurreikusten dituen erronkak eta jardun-ildoak ezagutu ahal izan ditu, Tamara Yagüe erakundeko presidentearen eta Asís Canales presidenteordearen eta Confebaskeko fiskal batzordearen presidentaren eskutik. Eusko Jaurlaritzako arduradunekin jorratutako gaien artean fiskalitatea egon da. Bi aldeak bat datoz, Batzar Nagusiek onartu ondoren, hartuko diren neurriek lagundu beharko dutela Euskadiren lehiakortasuna indartzen eta hazkunde ekonomikoa sendotzen. Sailburuak adierazi du, gainera, neurri fiskalek euskal erakundeen politika publikoak garatzeko behar besteko finantzaketa bermatu beharko dutela.

Euskadiko enpresa erakunde adierazgarriena, hots, Confebask, Mikel Torres Eusko Jaurlaritzako lehendakariordearekin bildu da gaur goizean Bilbon, kargurako izendatu ondoren izan duen lehen bilera ofizialean. Topaketa giro atseginean egin da, eta ingurune ekonomiko eta enpresarialeko hainbat gairi buruzko iritziak partekatzeko balio izan du. Confebaskeko ordezkaritzak bere eskumenen eremuko proposamen nagusiak aurkezteko tartea hartu du. Tamara Yagüe Confebaskeko presidenteak euskal gizarte osoaren garapen ekonomiko eta enpresarialaren, enplegu hazkundearen eta ongizatearen alde elkarrekin lan egiteko erabateko prestutasuna agertu dio lehendakariordeari.

Imanol Pradales lehendakariak Confebaskeko Tamara Yague hartu du gaur goizean, duela gutxi Eusko Jaurlaritzako buru izendatu ondoren egindako lehen bilera instituzionalean. Komunikabideen aurrean ondoren egindako agerraldian Tamara Yaguek nabarmendu duenez, “gure lankidetza eta leialtasun instituzionala eskaini diogu lehendakariari, euskal enpresen lehiakortasuna mantendu eta, horrekin batera, gure ongizate estatua mantentzen lagunduko duten politika mota guztiak bultzatzeko, enplegua sortuz, zergak ordainduz, etab. Lehendakariak aliatu bat izango du gugan, inoiz ez oztopo bat. Uste dugu horixe dela Herrialdeak eragile sozialei eskatzen diguna”.